Atletanan Brainer Lampe y Disjonrick Jacobs rumbo historia

Dos persona cu no a para keto ningun rato despues di pandemia tabata Brainer Lampe y Disjonrick Jacobs. E duo dinamico aki ta logrando hazaña tras di hazaña y e biaha aki atrobe nan ta rumbo un otro hazaña pero e biaha aki den exterior.

 

Maryland here they come. Riba iniciativa di Disjonrick, ambos lo ta saliendo otro siman pa Maryland unda nan lo participa na e 140.6 Ironman di Maryland. Esaki ta bira tambe e reto di mas grandi pa Brainer y Disjonrick como atleta mirando cu pa prome biaha den historia un duo di Aruba lo participando na un full ironman den e forma ya conoci. Brainer lo mester prome landa e recorido di 3,86 km den awa pa despues core un total di 180,2 km riba bicicleta y por ultimo core e marathon di 42,195 km na pia. Pa loke ta e duracion di henter e evento den tempo. Esaki lo ta alrededor di 13 pa 14 ora riba caminda. Un recorido sigur no facil, cu tanto pa Brainer como Disjonrick lo bay ta uno hopi agota y cansa. Mas cu claro e parti mental tambe lo hunga un rol ya cu e clima tambe lo bay ta diferente. 

 

No obstante di e pisa cu e evento ta mustra, Brainer y Disjonrick a prepara bon pa esaki, nan a entrena y prepara nan mes hopi bon y lo lucha te final pa haci historia na Maryland, USA. Ta bon pa bisa aserca cu Glennson Ridderstap tambe lo participa den e 140.6 Ironman di Maryland. 

 

Na final no mester lubida cu ta varios hazaña, Brainer y Disjonrick a haci hunto y cu exito manera 3 marathon, 5 half marathon, 1 ironman 70.3 , 1 Olympic distance triathlon, 75km duo Ronde van Aruba, 3 Sprint distance triathlon y diferente careda di 5 cu 10km. 

 

Beyond Sports Limit, Brainer, Disjonrick, Gerald y Kathleen kier a gradici tur nan partnernan manera Setar, Playa Linda Aruba, Hertz Carrental Aruba, Guardian Group Fatum, Bodyzone Aruba, Basari, Adju’s Upholstery, Next Level Barbershop, Fx Sports y Koolman Dental Clinic.