Awe mainta na Linear Park a jega di tempran muchanan hunto cu nan mayornan y otro familiar y amistad nan. Muchanan entre 5 pa 12 aña por a participa den e evento organiza pa Aruba Triathlon Association.
E evento a cuminza cu e careda di e Kids of Steel (9-12 aña). E muchanan un tiki mas grandi a cuminsa prome pa asina por a mustra esun nan di mas chikito con e careda ta bay. Despues cu e muchanan di e categoria di Kids of Steel a termina tabata e turno na e Mini Kids of Steel (5-8 aña). E careda di e Kids of Steel ta duna e muchanan e oportunidad pa siña e deporte di Triathlon, sea individualmente sino den un relay.
A ganador overall di e Kids of Steel tabata Jeon Fernandes cu un tempo di 17 min y 51 seconde , sigui pa Max Dennert cu e finaliza den 20 min y 19 seconde. E di tres overall tabata Zaniel Geerman cu un tempo di 21 min y 15 seconde. Asina poco poco tur e Kids of Steel nan a jega e finishline.
Despues a toca turno na e Mini Kids of Steel. E ganadornan tabata e relay di Iva Werleman, Dara Reyes y Louselle Jarzagaray cu a termina den un tempo di 9 min y 54 seconde, sigui pa Ciaran Brouwer cu a termina cu 11 min y 16 seconde. Na di 3 lugar tabata Herbert Merryweather cu a termina cu 11 min y 51 sec. Kinan tambe despues tur e participante a sigui pasa e finish line.
Caranan contento di e muchanan, cara di nervio di e mayornan pero tambe caranan di orguyo. Na final e muchanan a haya un finisher medal cortecia di Aruba Sports Unie (ASU), un buki di Biblionef y un sakito. Tambe tabata tin dushi patia y suficiente cos di bebe pa refresca.
Nos ta gradeci tur e mayornan cu a laga nan you participa, na Bestial/FotoHana Aruba pa e potretnan cu lo ser publica mas laat, na Aruba Sport Unie, Biblionef y tambe tur voluntario cu tey semper pa yuda.
E resultado:
https://arubatriathlon.com/pages/wp-content/uploads/2023/05/Kids-of-steel-Official-Results-AgeGroup-2023.pdf
https://arubatriathlon.com/pages/wp-content/uploads/2023/05/Kids-of-steel-Official-Results-Overall-2023.pdf
