Tanto RCA y Britannia semper ta duna un bon spectaculo di futbol ora nan topa otro sigur ora ta trata den un wega importante manera e semi-final di futbol. Awe diasabra mainta un bes mas e dos clubnan di futbol cu kizas e mihor farm-system na Aruba a duna otro bataya den U9. Mas cu claro un wega super pareu cu ambos purbando na anota e prome gol di bay ariba. E pumanan di Piedra Plat dado momento a avansa bon y ta habri e marcador cu bon gol anota pa Khyonn Briezen pa e 1 – 0 y asina tambe halftime a bay aden.
Den e di dos tempo, RCA mester a pone presion pa asina bini bek den e wega unda cu e hoben Rayven Pimienta cu un bon tiro ta logra empata e wega 1 – 1. Despues di e empata ambos ekipo ta busca e gol di bay ariba pero aki e delantero Milan Pimienta di RCA ta logra haya e net di e gol di Britannia cu un cabesazo y manda e ekipo tricolornan di Solito pa e gran final di futbol U9.
RCA lo enfrenta La Fama den stadion di Frans Figaroa na Noord pa 8.30 di mainta.
