1.4K
Bale la pena pa sinta den e solo cayente awe riba un dialuna atardi y mira nos seleccion nacional femenino gana nan wega cu un score aplastante. Aruba awe tabata e di 12 hungador.
Aruba a domina Boneiro riba tur frontera y ta pasa comanda un di dos lugar riba e tabla di posicion den Liga C tras di Belize.
E wega clasificatorio Conacaf W Gold Cup a bay sublime pa nos seleccion nacional femenino hunga na Aruba mes. Despues di hopi aña nos ta hunga na cas y sin duda keto bay cu e resultado na nos fabor. Sin duda un danki na e publico presente cu a bin mira e wega den un orario no custuma riba un dialuna atardi 3or. Den stadion Guillermo Trinidad na Dakota, Aruba ta revencha su mes di Boneiro ganando cu e score final di 5 – 0.
Mester bisa cu Aruba a hunga un bon wega cu bunita toke y hugada y a anota nan golnan ora esaki mester aunke un bes mas nos a hera un monton di gol padilanti. Te na di 29 minuut Aruba ta pika dilanti, ora cu Lammers den un tremendo hugada na rand di e area penal ta duna Gumbs un steekpas, aki e defensa di Boneiro ta hisa man pa offside, pero e referee ta laga e wega sigui y aki Gumbs ta schuif e bala bou di e portero pa duna Aruba e ventaha. Net prome cu half, Doornkamp ta anota pa e 2 – 0. No por keda sin menciona e bon trabou di e keepernan Henriquez y Kock, simplemente sublime. Aunke henter e selexxion a acopla na otro den bon forma.
Aruba ningun momento a baha su ritmo di wega y e keda circula e bala rond ambos banda. Sin duda bunita pa mira nos damanan toka e bala rond domina Boneiro riba tur tereno. Kizas e mihor wega cu hopi a mira di nos seleccion femenino. Den e di dos tempo, Aruba a hunga un mihor wega ainda demostrando un tremendo futbol caminda Sussana, Gumbs, Lammers y Sussana ta anota pa e 5 – 0.
Pabien na nos damanan y henter e staf tecnico lidera pa Veron Albertsz. ARUBA ARIBA
