Fitville Championship, evento deportivo mas grandi di Functional Fitness (Crossfit) na Aruba a termina su competencia pa aña 2023 Fitville. Organisadornan ta sumamento contento cu e evento y a sa di pone algo di nivel mirando cu e organisacion tin mas cu 8 aña di experiencia organisando competencia di Functional Fitness y Crossfit.
Na Fitville a participa un total 80 atleta international y di Aruba; Tur athleta a haya un impresion unico y nivel di competencia Internacional manera ta conoci y ta bin cu e nomber di Fitville. Fitville 2023 a tuma luga e biaha aki na Mariniers Kazerna Savaneta. Cu a bira un gran colaborador di e organisacion y evento den e ultimo edicionnan.
Fitville tabata tin atencion international y door cu e ta un evento conoci den e mundo di Functional Fitness i Crossfit. Nos a hanja bishita di athleta nan for di Hulanda, Corsow, Suriname, USA, Colombia, Brazil y Hungaria. Cual a duna e competencia un nivel mas halto y por a mira esaki riba e pista di competencia durante e weekend.
Diadomingo e competencia a caba na ora y ningun contra tempo manera e organisacion semper ta pone como meta y esaki a refleha door di tur e feedback ricibi door di athleta y bishitantenan di e actividad. E atletanan tabata den nan ambiente y disfrutando e gran final cu tabata hopi impactante. Na final di e weekend, e premiacion a tuma lugar dibiaha na Mariniers Kazerne. E resultadonan a keda como lo siguiente:
Rx Male:
Vallunos Mens (Colombia)
Cafeteros Team (Colombia)
Arubraz (Aruba)
Rx Female:
Team Doble A ( Colombia)
Hakuna Masquata ( Corsow)
Pretty Though (Aruba)
Intermediate Male:
Long Claw Elite (Suriname)
Warriors (Corsow)
P&J (Corsow)
Intermediate Female:
Long legs, Short Fuse ( Corsow)
Athenas Team (Colombia)
It takes 2 to tango (Corsow)
No por keda sin duna un danki hopi grandi na prome luga na e voluntarionan cu a duna un tremendo asistencia na tur momento, e grupo di juez cu nan tabata dispuesto durante dos dia completo pa yuda den tur e evento, e grupo cu tabata yuda cu e material pa ta na e luga cada biaha; esaki ta un organizacion tremendo y nan sa di yuda cada momento; hopi hopi danki na tur.
E sponsornan: sin boso esaki no por a tuma luga, cada un a aporta grandemente na e evento pa tabata asina exitoso, hopi hopi danki na boso tur. Setar, Powerade, Subway, Protegy, Awa Private charters, Fish House y Monarch CPA LLC. Nos no por lubida e colaboracion di nos Minister di Deporte y Educacion Sr. Endy Croes y tambe Commandante di Mariniers Kazerne Savaneta sr. Tim van Wijk
Y pa ultimo no por laga afo e organizadornan e Will Erasmus y Coot Simons compaña pa e team increibel di Chantel de Palm, Shanley Banfield, Nathaly Stanley, Carlo Falconi, Angelo Kelly, Johan De Rover y Javier Erasmus.; un team cu a cuida cada detaye pa tur cos bay bon. Hopi hopi danki.
Y por ultimo, cuminsa prepara pa FITVILLE 2024
