Aruba Bank comprometi cu deporte ta sostene prome competencia di landamento di Giants Aquatics Aruba

Aruba Bank ta comprometi pa promove deporte na Aruba, y a sostene prome competencia di landamento di Giants Aquatics Aruba durante fin di siman na Piscina Olympico Roly Bisslik for di 28 di september te cu 1 di oktober.

E competencia aki ta un muestra di dedicacion y talento di nos hobennan atleta cu ta traha duro pa logra nan metanan den e mundo di landamento. E competencia a brinda un oportunidad pa e atletanan mustra nan habilidad den e deporte cu nan ta asina apasiona over di dje.

Aruba Bank ta comprometi na e desaroyo di nos comunidad y ta orguyoso di por a sostene e promocion di deporte y talento local. Un pabien na e organisadornan y tur e atletanan cu a participa den competencia di landamento di Giants Aquatics Aruba.