915
Den e weekend tras di lomba nos top atletanana di Crossfit, Aljereau Sophia, Coot Simons y Lynell Koolman tabata na Florida unda nan a competi den evento mundialmente famoso Wodaplooza Fitness Festival. Aki e mihor atletanan di crossfit di Merca y rond mundo ta bini hunto pa competi contra di otro den e workoutnan pisa. Mester bisa cu e trio di Aruba a clasifica como e di 58 team, solamente via clasificacion bo por a drenta e competencia.
Den un combersacion sosteni cu Aljereau e la conta nos cu riba e prome dia nan a ocupa un di 3 lugar pero e siguiente dos dianan, e trio a struggle un poco y nan ta cay atras riba e tablero. Pero sigur cu e tabata un experienca inolvidabel riba un di e biggest stages di Crossfit mundial. Durante 3 dia di competencia nan mester a ehecuta 7 workouts incuyendo un 5km trail run. E worm tabata un reto pero nan a surpasa esey tambe y duna un bon presentacion.
All by all e ekipo di Aruba cu Aljereau, Coot y Lynell a keda na di 16 den 60 team presente cual sin duda ta un prestacion formidabel.
