1.6K
Conoci como e Fittest Teen na AUA, Zayna Maduro ta cla pa competi proximamente na Merca. Zayna lo viahando pa Michigan, USA fin di augustus unda e lo competi e dianan 2 y 3 di september na e 2023 Victory Grips Pit Teen Throwdown. Den e competencia preliminar, Zayna a logra drenta como qualifier.
Como atleta Zayna ta bou guia di coach Aljereau Sophia unda e ta preparando su mes fuerte pa e competencia aki
Den un declaracion cortico na nos di 297sports, Zayna a conta lo siguiente.
“Den mi preparacion pa e competencia aki mi a bay enfoca mas riba e area nan cumi ta menos fuerte den dje y traha mas riba esey pa asina por mehora nan. Ademas mi a sigui traha riba area nan cu si mi ta fuerte den dje pa asina sigui mehora esaki nan tambe. Mi preparacion pa e competencia aki tawata bou guia di Aljereau Sophia.
Loke mi ta pre-mira pa logra ta pa no solamente competi pero tambe pa conoce mas persona internacional den e mundo di CrossFit. Y sigur tambe mi lo kier haci miho den e competencia cu m’a haci den e qualifiers”.
Como atleta hoben Zayna Maduro tin ya un tempo largo ta formando parti di e mundo di Crossfit unda e la participa na varios competencia y cu logro. Luna pasa Zayna a triunfa den e competencia functional fitness den e WE Escolar 2023
Di aki banda nos kier a desea Zayna tur clase di exito
