10k Harry Janssen Memorial Race lo conoce ganadornan femenino y masculino nobo.
E Boulevard Loop awendia Harry Janssen Memorial Race diahuebs awor Dia di Rey lo conoce dos ganador nobo. @Patrishi Sports Aruba a caba di informa cu e 4 bez ganador masculino William Diaz(Team Pegasus) di Colombia y 3 bez ganador femenino Lana Gobert(Sportsz 4U Triathlon Academy) di Aruba no lo forma parti di e mahestuoso evento aki. William y Lana ta ganadornan consecutivo di e careda aki. Esaki sinembargo ta habri caminda pa esnan cu ta aspira pa gana e careda manera un Jethro Sint Fleur, Kelvin Gama Gonzalez of tambe e hoben Christian Pereira y sin lubida Ricardo Scholten. Mas cu claro nos tin Andre Angela tambe cu ta candela. Pa loke ta e categoria femenino nos tin Sharlaine Hart, Rebecca Jansen, Pauline Vackier y Yessayray Lopez cu lo por bay cune. Batay fuerte lo bay tin entre e teamnan Train Hard Race Easy. Eagle 297 Runners , Next Level Runners , Team pegasus 2Fast4Usports y ViperStrong
Mas cu claro e 61 edicion di e 10k Harry Janssen Memorial Race lo bira uno super interesante. No laga ningun hende contabo ta con e careda a bay, presenta bo mes na Aruba Ports Authority y biba e espectaculo unico aki pabo mes.
E Boulevard Race/Harry Janssen Memorial Race lo inicia na Malmok rumbo APA y lo start pa 5.30 exacto.
