Apertura di Weganan Escolar (WE) Aruba 2023 a tuma luga diabierna anochi presencia pa un publico grandisimo den stadion di Frans Figaroa na Noord. E di dos edicion di e Weganan Escolar a conta cu un interes di parti tur e personanan di exterior cu ta biba na Aruba cu tambe ta forma parti di nos dushi isla. Na banda di esey nos propio alumnonan di scol a bini bunita uniforma pa asina forma parti di e desfile.
Durante tres siman largo nos alumnonan di scol di scolnan preparatorio, basico y avansa lo cera un aña escolar den un competencia deportivo sanamente cu otro.
Diferente mandatario a mustra e importancia di haci deporte y kiko realmente e weganan escolar ta para pe. Cantautor Rocco Franken a canta e tono glorioso Aruba Dushi Tera.
E rumannan Rebecca y Christiaan Jansen a core cu e antorcha escolar na unda Rebecca a haya e oportunidad di sende e pebetero escolar.
Por ultimo Prome Minister Wever-Croes hunto cu Presidente di Parlamento y Minister Endy Croes a haci e sake di bala y asina duna inicio na ne Weganan Escolar 2023.
Desde dialuna nos accomodacionan deportivo lo ta yena cu actividadnan deportivo cu e Weganan Escolar 2023. Instituto deportivo IBISA lo ta esnan encarga cu e parti organisatorio y logistica. Ta invita un y tur pa pasa e apoya bo scol faborito.
Exito na tur scol.
