Fundacion Motor Unit Aruba (VMUA) kier a gradici tur persona cu a participa e weekend cu a pasa. Diasabra 1 di Februari pa 5or di atardi VMUA hunto cu J P Visser Orthopedic Technical Center a organisa un evento special pa mucha, hoben y adulto (mayor) cu un limitacion fisico. E resultado y ambiente tabata tremendo. Cien (100+) persona a disfruta di e atardi aki. E evento a cuminsa y termina na altura di e oficina di J P Visser Orthopedic Technical Center. Banda di caminda tabata tin hopi apoyo. Diadomingo e siguiente dia 2 di Februari, e canamento y careda a cuminsa 6or di mainta en punto pa e adultonan y 7 AM pa mucha- y hoben nan. E distancia pa adulto tabata 6KM. Y pa e muchanan e distancia ta varia depende di nan edad.
Ganadornan Overall Masculino ta Regginard Maduro y Overall Femenino Lana Gobert. Fundacion Volunteer Motor Unit Aruba ta gradici tur e 628 participantenan, voluntarionan Believe in Yourself, KPA, Rode Kruis, miembronan di Voluntuur Motor Unit y tur nos sponsornan cu sin nan e evento aki no por tabata asina grandi. Nos ta topa otro aña dia 22 di Februari 2026!
