CBN Eagles a hunga nan prome wega oficial riba e Little Eagles Mini Ballpark.
Diasabra mainta nos a presencia un momento grandi pa e organisacion di Noord baseball ya cu CBN Eagles a hunga nan prome wega riba e mini veld cu a keda cla un dia anterior. E chikitinnan di Blue Marlins Baseball Aruba y CBN Eagles tabata tin e honor di habri esaki oficialmente. Un super momento pa e muchanan, coach y mayornan.
Nos a presencia un rato historico cu e prome bataso, prome fildeo y prome out como tambe prome doblete riba e Little Eagles Mini Ballpark.
Di aki banda nos kier a felicita y desea CBN Eagles tur clase di exito cu nan veld, e muchanan sigur lo disfruta maximo di esaki. Manera nos na bin compronde cu ta mas na caminda y esaki ta solamente e comienso di e mihor cu mester bini ainda.