Mala suerte a acompana nos atleta elite, Rebecca Jansen awe diaranson mainta durante e competencia di triathlon den e Juegos de Playa Suramericano Santa Marta 2023 . Un flat tire a impedi, Rebecca Jansen finalisa su careda entre e mihor competidornan di henter e region Suramericano.
Rebecca a finalisa e parti di landamento pa despues subi su bicicleta y cuminsa cu su careda riba ruta. Pero na di 3 buelta e flat tire a stagna tur cos y aki Rebecca mester a stop pa motibo cu e no por a sigui core.
Esaki sin duda ta di lamenta mirando cu esaki tabata e hoben Jansen su prome salida pa Aruba den un wega grandi manera e Juegos de Playa Suramericano. Claro cu Rebecca a spera un otro ‘outcome’ pero esaki tambe ta parti fastioso di e deporte.
Awor Rebecca lo bay continua cu su estudio na Hulanda mientras na final di oktober comienso november e lo tin un compromiso cu Aruba den e Weganan Panamericano na Santiago de Chile.
Foto: Noel Werleman/COA
