871
Christiaan Jansen ta logra finalisa su careda den un tempo aceptabel. Awe diaranson, Christiaan ta inicia su careda di triatlon den e Weganan Suramericano de Playa na Santa Marta contra e mihornan di e region Sur America.
Mester bisa cu Christiaan a start hopi bon mes den su landamento y despues a sigui cu su bais pa finalisa na pia.
E atleta Jansen tabata esun mas hoben den henter e field di participantenan. Esaki no a intimida e hoben Jansen cu a prueba su mes bon den un temperatura tog halto na Santa Marta.
Na final e hoben Jansen a termina e evento na di 19 lugar cu un tempo di 1.01.80 cual tabata 5 minuut mas cu e prome lugar. Asina mes Chrtistiaan Jansen por ta satisfecho cu su prestacion na Colombia y den su debut pa loke ta un wega grandi continental mie mei di e atletanan di nivel halto.
Awor Christiaan lo biaha pa Hulanda unda e lo participa den un evento na Europa esta e 2023 Europe Triathlon Junior Cup Riga e dia 12 augustu na e ciudad di Riga, pais Latvia.
Exito Christiaan
Foto: Noel Werleman/COA
