E nomber mes Renegades a nace ora un grupo di amigo tabata hunga domino y tabata papia pa lanta un team nobo. Di eynan e nomber a nace y a bira un realidad tambe. E palabra Renegade nifica un rebelde.
Mayoria di hungadornan tabata milita antes den e equipo di Hitmen. Por cierto un tremendo equipo. Nan tabata kier a keda hunto y forma un team nobo despues di basta tempo. A aserka entre otro Richard Simon, Jimmy Thode y Richard Krosendijk y mas cu claro Papa mihor conoci como Canjul y di biaha a bisa ban cu e team.
Renegades ta un team competitivo y ta cla pa bataya riba tereno di softball. E team aki a lanta den e temporada di copa Santa Cruz y pa prome biaha como un team nobo a logra di sali sub-campion. Cual sigur ta un logro grandi pa e team.
E motor principal tras di The Renegades ta Christopher Figaroa cual ta e manager tambe di e team.
Mas cu claro nos kier a yama danki na nos sponser cual ta Raymond Kock di CSCS cu a pone su confiansa di biaha den nos team pa locual ta nos uniform y tambe un danki na varios sponser chikito. Y sigur un danki grandi ta bai na nos fanaticada. Nos fanaticada a haci un diferencia. Un di nos fanatico di mas grandi claro ta Papa Canjul, mientras e fanatico mas chikito ta Anique Figaroa.
The Renegades ta cla semper pa bataya riba tereno di bala teniendo respet pa e deporte di softball.
