599
Diabierna durante un anochi ameno na Interport Logistics Aruba na Bushiri, e ekipo di softball femenino, Beer Warmers Dolls-BWD a estrena nan uniform nobo pa loke ta e campeonato 2024. E uniform nobo ta wordo patrocina pa Interport Logistics Aruba, situa na Bushiri 32. E hungadornan di Beer Warmers Dolls (BWD) hunto cu e staf di coachnan den compania di patrocinador y alabes director di e compania, sr. Jokoeza Hooplot a basha e champange riba e uniform.
E ekipo di Beer Warmers Dolls cu ta bou maneho di Zulaika Peña, Geraldine Pers.y Juraima Quevedo ta sumamente contento y agradecido cu e apoyo di Interport Logistics. BWD tin como Manager Reangelo Koolman y Coach Gerald Maduro kendenan ta entrena e equipo di damas tur siman riba veld di Pos Chikito y tambe na batting cage. Nos tin e lista di nombernan di e hungadornan di BWD. Ta bon pa remarka cu Interport Logistics SBT nan prome compromiso lo ta Copa Sta Cruz cu lo inicia 19 di juli te cu 1 di september.
Nos di 297sports kier a desea e ekipo di softball damas Interport Logistics tur claee di exito den 2024 y pa futuro.
