Copa WaraBoMaai den softbol 60+ a inicia na Olympic Ballpark. Un torneo di barionan Warawara, Boton y Maria maai. Y for di akinan e nomber Copa WaraBoMaai a bin tambe.
E torneo di softbol 60+ ta di 15 di oktober pa 26 di november.
Awe diadomingo 15 di oktober a duna homenahe dedica na 5 baluarte den mundo di softball na Aruba.
Y e 5 hendenan aki ta:
– FRIDO CROES
– BENNY KOOLMAN
– DENCHI KOOLMAN
– MARIA DAÑA-KOOLMAN -CHINTO CURIEL
Mester bisa cu cada un di e personanan aki tin un ciruculo impresionante den e mundo di softbol na Aruba. Cu otro palabra un homenahe super bon mereci
Aserca nos tin cu menciona cu e torneo di softbol ta un fundraising event pa cubri gasto pa asina e team Criollo Reds 40+ y -Criollo Reds 50+ representa Aruba den weganan di softball na Boneiro otro anja.
Nos kier a manda un palabra di pabien y exito na Criollo Reds pa cu e torneo di softbol 60+ y mas cu claro un pabien na e 5 personanan cu a haya e bunita reconocimento bon mereci. Di aki nos kier a invita tur hende pa pasa diadomingo e tereno di Olympic Ballpark y admira nos softbolistanan 60+ den accion.
