Perla Gymnastics conhuntamente cu FGA (Federacion Gymnastico Arubano) a logra un meta unico y sumamente inportante pa Aruba su Gimnasia Ritmica! A logra trese e Technical Committee team di FIG ( International Gymnastics Federation ) cu un proposito importante den mundo di Olimpiada pa Paris 2024 y Los Angeles 2028.
Nunca antes e Technical Committee di FIG a confirma e meeting importante fuera di nan headquarters. Pero cu e confiansa y profesionalismo cu Perla Gymnastics y Federation Gimnasia Arubano, FGA a demostra den pasado organisando eventonan international, a dicidi di duna Aruba e bunita oportunidad aki. Den menos di 2 aña, Perla a logra hasi varios actividad nan, participa na competencia nan international y organisa actividad nan importante pa su atleta nan y tambe pa nos dushi Aruba! Un momento historico unda e miembro nan di Technical Committee di FIG hamas lo lubida y cu a confirma cu nan kier apoya e team di Ritmica na Aruba desaroya den un forma fructivo y positivo pa e futuro atleta nan di Aruba!
Diabierna atardi na e accomodacion di Perla Gymnastics na Playa y den presencia di mayornan y prensa, e miembronan di e comite tecnico di FIG a haya un demostracion cortico di e atletanan di gymnasia ritmica di Perla Gymnastics. Mester bisa cu e comite a keda sumanente impresiona cu e nivel di nos hoben gimnastanan. Na final no por tabata falta e ritmo di carnaval pa cual tur miembro a baila y gosa hunto cu nos atletanan. Sin duda nan a keda contento cu e hospitalidad di nos hendenan. Un dia cu hopi nunca lubida.
Un palabra di pabien na henter e team di Perla Gymnastics y e federacion di gimnasia Arubano cu e traha riba e bunita proyecto aki pa Aruba. Nos por ta orguyoso cu pa prome biaha den historia di un federacion mundial manera FIG ta scohe pa reuni pafor di nan cede principal y tuma desicionnan imporante relaciona cu futuro Weganan Olimpico
