Un storia inspirativo di gimnasta Jannali Henriquez: Tur cos ta posibel den bida

by Jessica Krozendijk
298 views
Jannali ta un atleta di Perla Gymnastics Aruba. Den e weekend cu a pasa, Jannali a competi den e campeonato nacional di gimnasia artistico Level 4, edad 14 pa 18 aña unda e ta logra 4 medaya di Oro y 1 medaya di Plata. Pero esey no ta tur paso algun siman prome cu e campeonato nacional, Jannali a haya un lesion cu casi a pone perde e campeonato mas importante di aña. 
 
           
Aki nos por lesa, con Jannali a lucha contra tur obstaculo, e la kere den su mes y cu apoyo di esnan rond di dje e la triunfa grandemente durante e competencia.  E storia aki lo inspira un y tur cu no nada imposibel semper y cuando bo kier algo di curason. No mas cu 3 siman pasa, e hoben gimnasta Jannali Henriquez a lesiona su enkel di tal forma cu competi a bira prakticamente imposibel. Jannali a pensa mesora cu e no lo tin posibilidad pa e campeonato nacional mas. Asina mes e la cuminsa focus riba su recuperacion y salud y a bisa su mes ‘it is what it is’. Jannali a keda 1 siman sin entrena paso ni cana e no por a cana riba e pia, pero poco poco cu ayudo di dokter ela cuminsa move su pia y tabata por para y cana riba e pia bek. Su dokter a dune oke pa bai build up e pia su forsa pero den forma lento. Jannali a pasa 2 siman ta build up forsa sin sa ainda si e lo por tin posibilidad di competi. Mas cu claro Jannali no a laga esey strobe y e la sigui cu su motivacion paso e tabata  bisa su mama; “Mami misa dokter ta bai dunami oke pa bay competi”.  
 
               
Diaranson na dokter, Jannali su mama tur preocupa y dokter ta dune Jannali e greenlight cu tanto e tabata warda riba dje mirando cu campeonato nacional ta diasabra. Su mama tabata man na cabes y tur preocupa paso Jannali no a entrena manera mester ta y ta 2 dia so e tabata tin pa entrena manera e mester ta. Jannali mes tabata trankilo a bisa su mama; “Mami it is what it is y nos ta bai pe”. 
 
Den e weekend, e fruto di Jannali su esfuerso a sali na cla. Jannali a demostra cu si bo kier algo di curason, no tin nada cu lo por stroba bo di logre. Cu hopi preserverancia y fe Jannali a logra un super resultado final.
 
         
Jannali su logronan na final di e campeonato nacional ta: 
Prome Lugar: All Around
Prome Lugar: Uneven Bar
Prome Lugar: Balance Beam
Prome Lugar: Vault
Segundo Lugar: Floor
 
Pabien Jannali y sigui inspira otronan cu nada no ta imposibel si abo mes kier. 

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs