508
Diamars arardi e organisadornan di e CFC edicion number 9 a tene un conferencia di prensa na Manuelito’s Bar relaciona cu e peleanan di MMA cu nan lo ta organisando dia 24 di juni proximo. Promotor Manolo Valdez a conta cu e CFC 9 lo surpasa tur e otronan cu e a tene den pasado y lo kier mira 10.000 hende den AEC. E fight card ta consisti di 18 pelea(kizas 1 mas aserca) unda cu 5 pelea por bira a main event depende cua haya e acohida mas grandi mirando e interes cu lo bini for di comunidad. Tambe contrario na e otro edicionnan anterior e biaha aki lo bay tin un ‘halftime show’ cu varios artista di Aruba y Corsow cu lo deleita e publico y unda por gana hasta premio. Lo tin varios promocion cu lo cuminsa for di awor caba y lo ser anuncia pronto.
Pa loke ta e peleanan mester bisa cu Team Moldan di Republica Dominicana lo tey un bes mas presente cu nan bringadornan feroz y den pasado a hasi daño na nos bringadornan di Aruba. Lo tin un pelea femenino unda nos lo mira Arvice Dijkhoff di Aruba contra Colombia.
Tambe lo bini algun bringador di Hulanda, Paraguay, Corsow y Colombia cu lo bin midi forza contra nos bringadornan di Aruba. Pa loke ta Aruba nos tin cu bisa cu tanto Evan Nedd y Gregory Milliard lo mira accion contra dos weso duro di exterior. Evan lo ta preparando na Hulanda ya cu e ta residencia aya abou mientras Milliard ta preparando su mes aki bou pero lo atende algun campo di entrenamento den exterior. E dos rumannan Jeandrick y Dijendrick Croes tambe lo por bira main event ya cu den un pelea tin faha envolvi. Remarcabel ta cu Manolo a anuncia cu probablemente Davon Duncan lo bringa Wally Wester pero Duncan lo mester firma un contract prome. Tin hopi bringado di Aruba cu lo faha contra esnan di exterior pues sigur un bon momento pa nos baha masal Aruba Entertainment Center y apoya nos bringadornan local.