Recientemente durante un conferencia di prensa na Nani Pan, representante nan di e referee nan di MMA Foundation, sr. Andres Tromp a yama un conferencia di prensa unda a divulga un bunita gesto cu e referee nan di MMA a haci na algun mama den e comunidad di Aruba den e temporada di paz cu nos ta aden. Cada mama a haya un basket yena di comestibel pa asina nan por pasa e dianan aki felis mescos tur otro hende na Aruba. Tur esaki ta danki na e companianan cu a yuda pa colabora cu e bunita gesto aki kendenan ta Setar NV, Ling and Sons, Superfood, Zeerover, Jon Tai, Nani Pan y My Fitness. Alabes sr. Tromp a anuncia cu sr. Jeffrey Nedd lo ta e proximo presidente di e asosacion di referee di MMA Foundation.
Di nos banda nos kier a felicita e fundacion di MMA referee cu e super gesto aki di duna bek na comunidad.
