453
Diadomingo anochi, a tuma lugar e gran final di liga U17 Oro unda La Fama y Britannia a lucha pa e titulo maximo. Den e prome tempo nos a mira den e prome 15 minutnan, e ekipo di Britannia tumando e iniciativa bon di e partido unda a haya algun oportunidad. Pero despues tabata La Fama cu a busca e ofensiva mas y a yega e gol di Britannia cu mas facilidad. Notable ta cu e linea di defensa di Britannia y La Fama no a duna mucho oportunidad pa sorpresa. Den e lineanan di atake tur dos ekipo ta yega bon dilanti gol pero e medio campo a keda colga y no tabata duna e sosten den atake.
Den e di dos tempo, La Fama a sali brabo cu den apenas algun seconde cu un tiro di leu pero e keeper a bula saca esaki. Ni algun rato despues Britannia ta cabesa un bala cu ta pasa net over di gol. E wega a sigui basta pareu unda Britannia un tiki mas mihor den nan toke di bala a haya su chens pero no ta probecha. E pumanan di Piedra Plat mas sigur den nan hugadanan a keda busca e atake.
Tur cos a mustra cu nos lo bay over na e tironan di penalti. Sinembargo un infraccion no mucho leu di e gol di La Fama ta pone un cruse sorprende e portero unda e bala ta drenta gol pa e 1 – 0. Mas cu claro henter e banki di Britannia a subi tereno pa celebra. E gol a cay manera un baño di awa frieu serca La Fama cu no por a kere. La Fama a busca e gol di empate pero esaki tabata envano ya cu e minuutnan tabata mucho poco.
