Diahuebs merdia, Nkosi a sali pa Mississippi, unda e la ser acepta na Jackson State University cu scholarschip y lo sigui studia y praktika e deporte di baseball bou guia di entre otro coach Omar Johnson.
Un danki y gradicimento special ta bay na esnan cu semper a kere den Nkosi, manera su famia, coach Conrad Orman, Brian Larmoni, (Staff y hungador nan di BMC), Elwin Ricones y Winterdaal y docente nan di Abraham de Veer y WOSC, Mr. y Mrs. Amstrong su “host parents” na Canada, unda Nkosi a hunga summer baseball cu Brooks Bombers Organization den 2023. Hungador nan di e seleccion di Curaçao, unda Nkosi y otro hungado di Aruba representando Curaçao na Nicaragua den 2023. Baseball teams, NBO Heat di Aruba y Royal Scorpions di Curaçao, cu a recibi Nkosi cu brasa habri, danki pa e oportunidad pa hunga summer league den 2024.
Historia den baseball.
Nkosi Didder a cuminsa hunga baseball cu Stars Organization cu cuater aña di edad. A hunga den diferente seleccion y travel team representando Aruba na Curaçao, Puerto Rico St. Croix, USA. Cu su 16 aña e a bay tryouts bou guia di coach nan Conrad Orman y Mauro Mazzoti cu International Stars na Arizona den 2019, unda e a wordo acerca door di algun school nan y MLB teams. E tabata jong y e mester a caba su school, (K-12). Den 2020 mundo a cambia, pero su soño si a ceda, a sigi train y a prepara su mes pa logra su metanan.
Nos ta den 2024, Nkosi ta sigi tuma su stapnan firme y segura. Nos ta hopi orguyoso di bo y cu Dios bo dilanti.
