PARIBA LEGENDS LO ENFRENTA PLUMA GANG!

by Seever Krozendijk
499 views

Si shonnan, asina mes, diasabra awor 21 di october,
cuminsando pa 8’or di anochi, lo tin un “challenge” excitante entre e gran team di
pariba di brug, esta Pariba Legends, y e ekipo ‘new kids on the block’ cu ta carga
nomber di Pluma Gang. E unico y mundialmente famoso Domino Square Garden aya
na Calabas lo tembla ora un tabla bula bay halto n’e momento cu e trabuconan di
Pariba Legends bou guia di ‘Walishali’ enfrenta e team nobis nobis bou guia di Gil
Werleman.


Wel shonnan, un y tur amante di domino ta ansioso pa sa ta kico e nomber copioso aki
kiermen y tin aden! Pluma Gang … un nomber cu lo bo por spera den otro deporte of
contexto, pero kisas den e temporada di Halloween lo pone un y tur di Pariba Legend
nan ‘plumanan’ para stret stret! Tin entendi cu ya pa basta tempo e ‘challenge’ aki
tabata brouw den tapara. Shonnan, manera boso sa, e evento aki ta completamente
gratis pa un y tur, y den halftime manera di custumber e snacknan lo lora totalmente por
nada! Bini un bini tur presencia e sambombaso estreno den Domino Square Garden di
Pluma Gang, ora nan enfrenta e ya legendarionan di Pariba legends diaabra awor, 21
di october, pa 8’or di anochi. Yega!

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs