299
Entre e potretnan aki tin 7 anja di diferencia, dos ta di 2016 y uno ta di awe diasabra 8 di april 2023. Alrededor di 7 aña pasa nos na conoce e hoben Kyon Maduro e tempo ey como un prospecto infantil den landamento. Tur dos su rumannan tabata landa den Stingray Swimming mientras Kyon tambe a forma parti di e team. E tempo ey caba por a nota cu Kyon lo bay bira grandi den e deporte acuatico. Pero despues di algun aña den awa, Kyon a bandona e circuito di landamento pa despues nos mire(na un edad mas avansa) den e deporte di atletismo. Aki Kyon no tabata menos y poco poco a cuminsa na triunfa den e disciplina di 100m y 200m sprint cual awendia e ta domina na Aruba. Awe 7 aña despues y riba e plataforma mas halto di atletismo den Caribe esta na e Carifta Games, Kyon a demostra di ta un multi-atleta ya cu e la clasifica como e di 9 mihor coredor di velocidad den Caribe, den e edad di 17 aña.
Sin duda, e disciplina, dedicacion y determinacion di Kyon su mes y cu ayudo di tur esnan cu ta apoye y kere den su talento, a pone yega unda cu e ta awe.
Pabien Kyon, bo ta un ehempel como atleta cu a perservera, kere den bo mes y bo metanan poni pa logra lo maximo den bo deporte.