Ayera diasabra un bes mas nos a mira diferente futbolista femenino milita den Dakota y San Luis pa hunga e final di U9 y U13 di e pre-campeonato. Nada facil ya cu den e edad aki ya caba bo por mira cu e desaroyo avansa den e ser masculino. Pero esey no ta kita afor nos mucha muher nan no por, alcontrario nan ta sobresali y ningun rato a mustra menos den nan wega. Algun sin duda hasta ta ehecuta hopi bon mes y tin habilidad increibel pa bira un super futbolista dentro di algun aña.
Awe nos a gosa e keeper di Dakota den U13, Tyanne Rafael cu no tabata tin miedo di drenta hugada y a para algun bala den gran forma. Pa nos un estreya nobo a nace aki. Un tremendo keeper sin duda cu aki algun aña por ta nos keeper di e seleccion nacional femenino. Tyanne Rafael ta yiu di e ex-defensa di Dakota, Tyrone Rafael.
Corda nan caranan bon
