1.1K
Nos seleccion mayor di futbol tin nan compromiso pa loke ta e Nations League 2023 di Concacaf. Mirando e FIFA International Match Window awor tur e seleccion nan ta activo den e lunanan di September, October y November 2023.
Aruba ta den e Liga C pool B y e prome compromiso di DT Marvic Bermudez ta na Cayman Island. Awe diahuebs, e seleccion a biaha pa e isla Caribense pa cuminsa cu nan preparacion pa dialuna awor 11 di september. Una bez na na Cayman Island, e hungadornan cu ta milita na Europa lo topa cu e grupo cu a biaha awe for di Aruba.
Despues Aruba lo enfrenta Us Virgen Island esaki 14 di oktober proximo.
Mirando cu stadion di Guillermo Trinidad ta den e proceso ainda di construccion pa loke ta e ultimo fase, ambos wega lo tuma lugar den exterior. Despues di esey si nos seleccion nacional lo ta cla pa hunga bek na cas despues di hopi anja.
Exito na nos seleccion di futbol contra di Cayman Island.
