Seleccion di landamento a biaha pa e Carifta Swimming Championship na Bahamas

Awe diamars merdia nos maximo representante nan di landamento hubenil a sali pa Nassau, Bahamas. Landamento semper ta presta den forma sublime pa loke ta e campeonato di Caribe esta Carifta. Sin duda e deporte di landamento di Aruba ta un di esnan top den Caribe. Anja pasa den e Carifta Swimming na Corsow, e delegacion di Aruba a termina na un di 7 lugar overall den 24 pais unda a conkista 2 medaya di Oro, 11 di Plata, 3 di Brons pa un total di 16 medaya. Ta premira cu e anja aki nos lo tin exito un bes mas.

E anja aki nos landadonan femenino hubenil ta Avi Tromp, D-Leylah Gerrel, Eva Kock, Jayla Stuut, Zivah Croes y Genisis Lacle. Nos landadonan masculino hubenil ta Braynsly Dirksz, Enzo Croes, Gavin Kock, Jaydon Croes, Jayrick Winterdal, Jaythan Winterdal, Leandro Santiesteban, Luis Mario Arends, Ocean van Loon, Xylan Anthony, Zayron Werleman, Inald Fernandes Perna y Bobby Gibson. Nos seleccion ta bou guia di headcoach, Ismael Santiesteban y Tyrine de Kort mientras Sra. Croes ta bay como hefe di delegacion.

Nos di 297sports ta desea nos seleccion di landamento tur clase di exito na Bahamas.