275
Diahuebs anochi riba e esenario principal di @Paseo Herencia , e erganisacion di @Santa Cruz Rockets a bautisa nan uniform nobo y tambe presenta e directiva nobo na mayornan y peloteronan presente.
Directiva 2023 – 2025
Desde 1 maart 2023 directiva di Rockets ta consisti di 9 miembro activo
Presidente: Noralfa Eckmeyer
Vice presidente: Milton Maduro
Secretaria: Guivanna Monart
Tesorera: Nachma Kock
2da Tesorera: Jeandira Arends
Comisario: Indira Rodrigues
Comisario: Samira Yarzagaray
Comisario: Charles Jr. Rafine
Comisario: Wilfrido Kock
A pasa despues pa bautismo di uniform, unda a scohe di cada team, 2 hungador cu tin mas hopi aña activo den e organisacion y duna nan e honor pa ta padrino di e uniform.
Pa U16 padrinonan Shayron Ruiz y Kanrick Carrion hunto cu coach Noralfa y e team a hasi e bautismo.
Pa U12 Jayquon Bell, Henry Kransen, Coach Ludwik, Coach Henry y ful e team tabata presente.
U10 a scohe E’dric Werleman y Jerson Geerman pa hunto cu Coach Maikel, Coach Dhanto, Coach Jeremy, Coach Henry y e team bautisa e uniform nobo.
U6 y U8 ta wordo patrocina door di AFAS Software
Presente pa e bautismo tabata tey Zoë y Rothmar representando AFAS
Zoë a bautisa U8 hunto cu Coach Gerick y full e team
Rothmar a bautisa e uniformnan di U6 hunto cu Coach Ciriac y Coach Jeremy
Por ultimo a bautisa e uniformnan pa e team di U18/Juvenil Rockets / Flatstone cu ta wordo patronisa pa Seaview Investments hunto cu bestuur di Flatstone, Coach Aaron y tur e hungadornan.
Rockets ta gradici Paseo Herencia pa e oportunidad unico pa hasi e bautismo di uniform posibel y regala e muchanan ticket pa wak un pelicula.
Un gradicimento na AFAS Software pa patrocina e uniformnan di U6 y U8
Directiva ta gradici coachnan cu ta duna di nan tempo liber pa guia e muchanan y yuda nan den nan desaroyo den baseball. Tambe e mayornan cu ta coopera 100% cu e teamnan y zorg pa e muchanan ta presente na training y na wega.
Rockets Baseball Organization Aruba ta celebra e aña aki 40 aña siñando y guiando muchanan desde 4 aña te cu AA den e deporte di Baseball y Softball den e bario di Santa Cruz.