440
E prome evento di MMA pa e aña 2023 lo ta 1 di april ora cu nos peleadornan local enfrenta un elenco di exterior den un evento internacional den Aruba Entertainment Center. Varios peleador ta di e paisnan Colombia, Corsow y Merca. Mas cu claro lo bay tin bataya local tambe. E main event y co-main event lo ta peleadornan local vs peleadornan internacional.
Diamars nos a bishita A+ Sport Performance pa mira e team di StayThaiFit bou guia di el maestro Stacy Hassell unda algun di nos top bringadornan tabata preparando pa e evento di diasabra awor.
Nos por bisa cu nos boysnan ta cla pa parti golpi riba nan contrincante. Nan ta hambra pa victoria, nan ta entrenando duro y prepara nan mes debidamente pa dia 1 di April. Nos por a wak un entre otro Davon Duncan, Damian Pinas, Jairo Tromp, Randon Koolman, Jesus Galea y Jeffry Gil.
Corda buska bo carchi pa diasabra awor 1 di april. E peleanan lo cuminsa pa 8or exacto.