721
Durante e Tino Ruiz Memorial walk and run 2023, Rammy Ramada den nomber di Patrishi Sports y henter e comunidad deportivo na Aruba, specialmente esnan cu ta praktika e deportenan di core, cana y bais, a otorga na nos Cuerpo di Polis un reconocimento special. Manera tur hende sa cu nos miembronan di Cuerpo di Polis ta brinda e seguridad di un y tur riba caminda ora di actividadnan deportivo, principalmente ora haci uso di caminda publico. Tanto riba brommer como tambe den auto, nos polisnan ta percura pa nos atletanan ta mas safe posibel den e area unda e actividad di deporte ta tumando lugar. Esaki sin duda ta duna e atleta e siguransa y seguridad cu e por competi riba caminda publico na un manera safe y sin obstaculo. E presencia di nos polisnan caba ta mustra cu mester tin respet pa regla y autoridad y esnan cu nos polis nan ta protehando na e momento ey cu ta nos atletanan.
Rammy Ramada di Patrishi Sports a haci e entrega di e bunita obsekio na Alto Comisario, sr. Ramon Arnhem. Tur esnan presente a aplaudi e bunita gesto aki.