Dialuna atardi e Weganan Panamericano 2023 a continua na Santiago, Chile unda nos landadonan Schreuders y Groters a competi den e final B den e Centro Acuatico. Mester bisa cu Mikel Schreuders ta e prome cu a competi.
Mikel Schreuders a landa e 100m free y aki ta marca un tempo di 49.69 den e final B, cual ta mas liher cu su tempo landa mainta di 49.88. Na e buelta prome Mikel tabata como e number dos y mantene su mes fiho eynan. E landado Schreuders ta yega como number dos y un di 10 lugar overall. Brazil ta gana e competencia di 100m.
E di dos landado di Aruba cu a mira accion den final B ta Patrick Groters cu mester a landa e 100m lomba. Mester bisa cu Patrick a landa super bon y dominante unda e ta logra marca un tempo di 55.96 cual tabata e prome lugar den final B. Den oranan di mainta e la landa un tempo di 56.36, pues un mehoracion pa Groters. Cu e tempo aki Patrick ta caba na di 9 lugar overall den e 100m lomba.
Diamars mainta e landadonan Elisabeth Timmer y Mikel Schreuders lo mira accion na Chile.
