106
E evento a cuminsa cu un Meet and Greet cu campeona mundial di natacion Alia Atkinson y a termina cu un sesion inspira cu medayista di oro Paralympics Marlou van Rhijn y atleta Stefan Rusch.
Durante e summit, participante a tende di panelistanan distingui manera Nicole Hoeverts Chair di LA28 coordinacion, Barbara Ortiz di United Nations Women, Minister Gerlien Croes, Liliana Suarez Chair di Women in Para Sports Americas y Camille Hasse, atleta representante di Americas Paralympic Committee. Otro oradornan a inclui especialista den inclusion Carin Miedema y orguyo local Elliott Loonstra, e prome medayista di Aruba den Para Pan American Games. 
E panelnan a enfoca riba aumenta oportunidadnan pa muhennan den deporte, desaroyo di policy, strategianan di inclusion y e desafionan real cu atleta cu discapasidad ta enfrenta mundialmente. Atletanan y mayornan tambe a comparti experiencianan personal, creando conversacionnan poderoso tocante accessibilidad, apoyo y representacion.
Un di e puntanan mas importante di e summit tabata e Inclusion Hub durante dia dos. Organizacionnan manera Aruba Paralympic Committee, FEPOH, FAVI, Sonrisa, Trampolin pa Trabao y Muchila Creativo a presenta nan servicionan y programanan pa personanan cu discapasidad den Aruba. E evento a crea oportunidadnan valioso pa networking entre participante local y internacional y a pone e base pa futuro colaboracionnan. Di esaki lo bin colaboracionnan internacional y local entre Canada y Aruba, entre United Nations Women y Americas Paralympic Committee y entre organisacionan di Hulanda y Aruba.
Segun organisadora Shardea Arias-Croes, e summit tabata e resultado di un vision cu a tuma tres anja pa realisa.
“Esaki tabata semper mas cu solamente organisa un conferencia. Tabata tocante inclui e communidad, cambia mentalidad y mustra di kiko personanan cu discapasidad ta capabel di logra door di deporte y bida independiente,” Arias-Croes a declara.
E summit a marca un milestone historico pa Aruba y ta spera cu lo bira un blueprint pa futuro eventonan inclusivo den region.
Aruba recientemente a hospeda e Women in Para Sports Americas Summit, un evento historico enfoca riba inclusion, liderazgo y progreso di muhennan den deporte. E evento a wordo organisa door di Aruba Paralympic Committee y Americas Paralympic Committee y e inspiracion pa hospeda e evento aki a bin door di Shardea Arias-Croes e Chair di e Women in Para Sports Americas Summit. E summit di tres dia a reuni atleta internacional, creadornan di policy, defensornan di inclusion y organizacionnan di communidad pa crea dialogo significativo y un impacto duradero.
E evento a cuminsa cu un Meet and Greet cu campeona mundial di natacion Alia Atkinson y a termina cu un sesion inspira cu medayista di oro Paralympics Marlou van Rhijn y atleta Stefan Rusch.
Durante e summit, participante a tende di panelistanan distingui manera Nicole Hoeverts Chair di LA28 coordinacion, Barbara Ortiz di United Nations Women, Minister Gerlien Croes, Liliana Suarez Chair di Women in Para Sports Americas y Camille Hasse, atleta representante di Americas Paralympic Committee. Otro oradornan a inclui especialista den inclusion Carin Miedema y orguyo local Elliott Loonstra, e prome medayista di Aruba den Para Pan American Games.
E panelnan a enfoca riba aumenta oportunidadnan pa muhennan den deporte, desaroyo di policy, strategianan di inclusion y e desafionan real cu atleta cu discapasidad ta enfrenta mundialmente. Atletanan y mayornan tambe a comparti experiencianan personal, creando conversacionnan poderoso tocante accessibilidad, apoyo y representacion.
Un di e puntanan mas importante di e summit tabata e Inclusion Hub durante dia dos. Organizacionnan manera Aruba Paralympic Committee, FEPOH, FAVI, Sonrisa, Trampolin pa Trabao y Muchila Creativo a presenta nan servicionan y programanan pa personanan cu discapasidad den Aruba. E evento a crea oportunidadnan valioso pa networking entre participante local y internacional y a pone e base pa futuro colaboracionnan. Di esaki lo bin colaboracionnan internacional y local entre Canada y Aruba, entre United Nations Women y Americas Paralympic Committee y entre organisacionan di Hulanda y Aruba.
Segun organisadora Shardea Arias-Croes, e summit tabata e resultado di un vision cu a tuma tres anja pa realisa.
“Esaki tabata semper mas cu solamente organisa un conferencia. Tabata tocante inclui e communidad, cambia mentalidad y mustra di kiko personanan cu discapasidad ta capabel di logra door di deporte y bida independiente,” Arias-Croes a declara.
E summit a marca un milestone historico pa Aruba y ta spera cu lo bira un blueprint pa futuro eventonan inclusivo den region.
