375
Despues di un tremendo prestacion, para atleta Edgar Ridderstap ta logra completa e super sprint triathlon bou di 1 ora.
A entrena e recorido di e super sprint triathlon den un tempo di 1 ora y 6 minuut. Pero awe diadomingo e para atleta Edgar Ridderstap bou guia di Brainer Lampe a demostra cu tur cos ta posibel den su prome competencia oficial di triathlon organisa pa Aruba Triathlon Association. Apoya pa henter su famia y esnan presente, Edgar a completa e recorido di e super sprint den 57 minuut cual ta 9 minuut mas liher cu den su entrenamento. Mas cu claro e sonrisa riba e cara di Edgar y Brainer ora e la crusa e linea final tabata grandismo. Cu man na laira Edgar y Brainer a pasa e finish y mas cu claro e aplauso di tur presente tabata notabel.
Edgar mes a conta nos cu tur cos a cana perfecto, e ta hopi contento cu su mes y e la sinti su mes bon durante henter e careda mientras awor e lo sigui purba mas disciplina den triathlon.
Pabien Edgar y Brainer, sigui ta un inspiracion y motivador pa henter nos comunidad.