‘The Ultimate Challenge’ kier recorda e atletanan cu ta desea pa orienta ariba e ruta di e ‘6.5K Arikok Relay’ cu esaki lo tuma lugar diadomingo, 21 mei di 2023 pa 7:00 a.m. A peticion lo organisa un otro momento di orienatcion pa e parti di atardi cu lo bira 5:00 p.m. Cu otro palabra, lo bai tin dos momento cu e atleta lo por scohe pa por orienta ariba e ruta cu ta 7 or di mainta y 5 or di atardi. Coach Andy Gomes lo bai tey presente pa guia e parti di orientacion y lo duna un ‘briefing’ encuanto e parti organisatorio y e reglanan pa cu e ‘Trail Run Relay’. Lugar di encuentro lo ta na e Visitor Center na Parke Nacional Arikok.
Pa esnan cu no ta miembro di PNA, lo mester contribui cu e ‘fee’ di dia pa por bishita Parke. Pa loke ta e registracion pa e evento aki, por registra como Female, Male of Mixed Team y lo tin premionan cash pa e prome tres puestonan di cada categoria. Teniendo cuenta cu e grado di dificultad di e evento aki, ta hasi cu no por tin un registracion habri. Bo por forma parti di e evento aki, cu referencia di e atletanan/Clubnan di coremento cu ya a yega di forma parti di e diferente Trail Runs organisa pa ‘The Ultimate Challenge’. Adhunto por presencia e ruta cu lo consisti di 2 ‘loop’ y cu un cantidad di 11 subida.
Unabes cu subi e link por ricibi tur informacion encuanto e evento.
Danki na Subway Aruba, Andina Ice y Parke Nacional Arikok cu ta hasi e evento aki posibel
Pa cualkier informacion, por tuma contacto cu Jorella Croes na 567 -6260
