Nos futbolistanan infantil contento cu temporada di futbol U5 a cuminsa bek

by Seever Krozendijk
485 views
Diasabra mainta trempan, nos futbolistanan mas chikito di U5 a cuminsa cu nan weganan den stadion di Frans Figaroa na Noord y tambe na compleho Buchi Panama na Yara. Den stadion mas cu claro tabata tin e mayornan presente contento di por mira nan yiunan hunga.
E chikitinnan di RCA, Nacional, Riverplate, San Luis Deportivo, Dakota, Estrella, Bubali y Britannia a luci e mainta aki desplegando loke nan a entrena henter siman pe. Coachnan tambe mas cu claro ta guia e muchanan pa asina cada bes nan bira mihor den nan tecnicanan. No mester lubida cu nos coachnan den weganan di e muchanan mas chikito tin diferente pechi bisti, nan ta simplemente mas cu un coach e momento ey pa bo yiu(nan). 
 
Ban tene pasenshi cu nos muchanan, laga nan disfruta pa esey ta e prioridad na e edad aki. Nos chikitonan mester gusta e movecion y e futbol. 
 
Pabien muchanan, coachnan, mayornan sin lubida nos dirigentenan David, Gerald y e otro juffrouw hoben di AVB cu cada diasabra ta percura pa tur cos ta poni in place pa nos muchanan por hunga e wega di futbol. Otro siman ariba pia atrobe. Corda drumi trempan y come bon pa asina bo presta bon. 
 

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs