Awemainta tawatin e gran evento di the Legend Richard Rodriguez 6k/10k Road Race.
Yeshua Dabian tawata e prome atleta cu a crusa e finish line den e 6k run. Pa Yeshua esaki ta un sentimento mixto como cu tawata su ultimo careda aki na Aruba. Yeshua lo ta biahando den prome siman di januari pa Merca unda elo sigui cu su estudio y tambe sigui practica e deporte di Atletismo.
Manera cu Yeshua jega Merca lo reuni di biaha cu Coach Ralph White na Cleveland, Ohio. Yeshua ta hopi conoci caba na Ohio unda cu na varios ocasion ela asisti e trainingskamp den temporada di vacacion cu e atletanan di NDCL High School.
Yeshua ta mira atras un anja 2023 hopi exitoso. Den ultimo anjanan Yeshua a crece hopi y desaroya su mes bon den e deporte di Atletismo.
En corto Yeshua ta gradici sigur hopi persona cu a forma parti di su desaroyo den tur e anjanan cu e ta bin ta practica su deporte.
Na Coach Aldrick Maduro di ATP Gym, Coach Beto Maduro di Aruba Malmok Runners unda cu di chikito Yeshua cuminsa cu su trainingnan.
Na Julianne Dorothal di Aruba &-21 Athletic y akinan un gradicimento special como Julianne ta e persona cu a crea e contacto cu Coach Ralph White.
Un gradicimento grandi na Anthony Wever di Fit4Life Gym cu a crea e machine e Atleta Yeshua y lo sigui te final prome cu su biahe
Gradicimento tambe na Silvienne Valdez Krosendijk su sportmasseur vast, na su Coachnan di natacion Stingray Swimming Club Valerie Eman y Ismael Santiesteban unda cu di chikito te presente Yeshua ta un miembro activo y por ultimo na su Coach, su Tata Melvin Dabian cu ultimo anjanan sigur a duna 200% y por ta hopi orguyoso di e progreso y exito di nos Atleta Yeshua.
Nos ta desea nos Atleta Nacional Yeshua Dabian tur clase di exito den su estudio y su deporte. Sigur nos lo sigui su desaroyo.
