Eagle 297 Runners no ta un team desconosi den e deporte di corremento na pia aki na Aruba. Den un tempo corto Eagle 297 Runners a crese y cu poder di DIOS otro aña nan lo ta celebrando nan prome lustro. Eagle 297 Runners Assosiation ta conta cu un total di 75 miembro cu ta varia edi edad di 3 aña te cu 60 aña. E team ta conta cu nan coach pa e muchanan di 200 cu 400 meter coach Jhonathan Kock y nan coach Michael Maduro cu ta guia e mucha nan di 800 meter, 1500 Meter, 3000 meter y e team di adulto. Eagle 297 Runners tambe tin nan propio evento Eagle in Color Kids & Youth Run cu e aña aki a celebra 3 anniversario. E aña aki pa prome biaha a agrega na e evento e categoria di adulto.
Diasabra ultimo durante e End of The Year Awards Ceremony di Patrishi Sports Eagle 297 Runners su nomber a resalta. Eagle 297 Runners a logra e sigiente premionan,
☆Kids/Youth Event of The Year:
•Eagle in Color.
☆Adults Event Of The Year:
•Eagle In Color.
☆Race Director Of The Year:
•Michael Maduro (Eagle 297 Runners Family).
☆Kids/Youth Team Of The Year.
•Eagle 297 Runners.
☆Adults Team of the Year
•5th Place Eagle 297 Runners.
☆Most Improved Athlete of The Year:
•Crisiene Flanegin.
Keda pendiente pa e uniform nobo di Eagle 297 Runners y pa e informacionnan di 4th Eagle in Color Run & Walk Easter Edition cu lo tuma lugar 30 di Maart 2024.
Palabra di pabien na full e team Eagle 297 Runners. Ohala nos por haña mas team y coachnan pa guia nos muchanan y pa juda traha mas atleta di edad jong.
