E multi-atleta Arubano, Rebecca Jansen a yega Hulanda pa continua cu su estudio. Despues di e caba di competi den e Juegos Suramericanos de Playa na Santa Marta, Colombia, e hoben Jansen a biaha pa Hulanda pa asina cuminsa prepara su mes pa un etapa nobo como studiante y atleta na tere frieu.
Rebecca lo studia Sportkunde na Hogeschool Arnhem/Nijmegen esta HAN. E lo sigui su opleiding na Papendal Trainingscenter den Topatleetsklas. E klas aki ta special pa atletanan elite pa combina nan estudio y nan deporte. Mester bisa aserca cu Rebecca lo ta participando den caredan di World Triathlon pero esaki den Europa.
Fin di oktober, Rebecca lo tin un compromiso cu Aruba ora e representa nos dushi isla den e Juegos Panamericano Santiago 2023 na Chile. E siman aki lo cuminsa su entrenamentonan bek na Hulanda.
Di aki banda nos kier a desea Becca tur clase di exito den su deporte y estudio na Hulanda.
