790
E landado elite, Mikel Schreuders a landa un tremendo heat y clasifica pa su di dos final B.
Riba e di tres dia di competencia, Aruba su landadonan Mikel Schreuders y Elisabeth Timmer a mira accion den e Centro Acuatico na Santiago. Elisabeth Timmer ta e prome landado cu inicia e competencia unda e la landa e 50m free esaki den heat 5. Mester bisa cu Elisabeth a registra un tempo di 26.38 cual tabata un di 7 lugar den su heat y bon pa un di 18 lugar overall. Elisabeth no a logra e final A of B cu lo tuma lugar den oranan di atardi.
Despues a bini e landado Mikel Schreuders cu a landa den heat 3 y a landa den lane 5 e 50m free. Mester bisa cu Mikel a start bon y tabata cabez cabez entre e dos prome nan unda e ta yega como di 3 lugar cu un tempo di 22.69 seconde. Overall Mikel a keda na di 11 lugar bon pa un final B. Diamars atardi Mikel lo mester landa e final B.
