814
Durante e Tino Ruiz Memorial walk and run diadomingo ultimo, varios reconocimento y plakaat a keda otorga. Un di e plakaat nan aki tabata uno masha special mirando e hecho cu e bib number 1 di e careda Tino Ruiz Memorial walk and run a keda otorga na e mayornan di Tino Ruiz. Tabata un momento masha emocionante ora cu presidente di Comision, sr. Andre Angela a otorga e bunita plakaat aki na e mayornan den presencia di Alto Comisario sr. Ramon Arnhem.
Riba e plakaat por a mira e bib number 1, e medaya conmemorativo, mas e letranan;
HEROES LIVES FOREVER.
Den bunita memoria di Tino Ruiz di parti di Comision Tino Ruiz Memorial 2023, Raymond Arends, Andre Angela y Rammy Ramada.
