Awe diadomingo na e ultimo dia di competencia na Bahamas na e Speed Capital’s World Junior Championship 2023 nos Atletanan ta logra conquista mas medaya pa Aruba.
Awe riba Dia di Tata tabata un celebracion total aya na Bahamas.
Nos atletanan di Medio Distancia Yeshua Dabian i Wyndel Beyde a mira accion riba e 1500m.
Wyndel Beyde ta logra Medaya di Plata akinan kedando na 2do lugar cu un tempo di 4.20.45.
Yeshua Dabian ta logra Medaya di Brons, 3er lugar cu un tempo di 4.21.32. Mester menciona akinan cu Yeshua den 2 luna di tempo ta mehora su tempo cu 5sec. Na Carifta, Bahamas April ultimo Yeshua a marca un tempo di 4.26.80.
Nos atleta di distancia corto Eljoenai Wehl a core awe su finals di 100m i 200m.
I akinan nos atleta Eljonai pa tur 2 distancia ta keda den e mihor 7. Mester menciona cu pa e distancianan aki tawatin diferente heats i nos Atleta Eljoenai a jega te finals. I akinan nan a premia e top 8 cu medalla.
I asina Team Aruba hunto cu nos coach Nacional Silvienne Krosendijk ta mira atras un weekend hopi exitoso.
Coach Silvienne a keda hopi contento cu tur nos atletanan cu nan prestacion.
I celebracion ta sigui pasobra awe Atleta Yeshua Dabian a cumpli aña i nada mihor e regalo cu ela ricibi, su logronan di e weekend aki.
Nos ta desea Yeshua Dabian hopi aña mas di bida.
Total di medaya contando e 2 Oro di diabierne i tambe medaya i Milan. Totaal 7 medaya : 2 Oro, 1 Plata, 1 Brons, i 1 di 4to lugar i 2 di 7 lugar
Team Aruba ta regresa manjan atardi pa 3.30pm. I sigur nos lo bai ricibinan na Aeropuerto.