Marlboro Sportvereniging BBC a perde un baluarte: Sr. Eddy Adonis

by Jessica Krozendijk
467 views

Marlboro BBC ta di luto cu fayecimento di sr. Eddy Adonis. Sr.Eddy Adonis a forma parti di directiva for di decada 70 te cu na aña 2000. Un persona masha humilde, recto y tabata duna bon conseho na tur e miembronan.

Su persona a fungi den diferente posicionnan den bestuur y tabata un persona cu a hunga un rol grandi den e diferente cambionan di e organisacion.

Sr.Eddy semper a apoya e farm system di Marlboro y percura cu esaki a cana segun plan. Semper e la zorg pa evalua si e organisacion a alcanza e metanan poni pa e temporadanan.

E la traha serca cu sr.Boei Brion den feliz memoria hunto cu Chu pa cambionan grandi pa e organisacion. Un mentor pa Archi y Cai Cai sigur na memento cu nan tabata coach little te cu A-klas. Su persona tabata percura pa yuda transporta e muchanan pa e diferente ballpark unda nan ta hunga.

Den decada 80 Eddy a pone enfasis hunga basebal y educacion. Hunto cu sr.Donald Kock e trabow aki a sigui den nos organisacion y nos por wak back den nos comunidad hopi pelotero cu ta rol-model pa otronan.

Den decada 80 sr.Eddy tabata un persona clave cu a yuda forma Stichting Don Elias Mansur. Su aporte tabata di hopi balor.

Marlboro BBC ta manda na e famia hopi forza na e momentonan aki. Cu Eddie sosega den Reino di Dios.

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs