Coach Milvienne Henriquez a finalisa curso ‘Ciencias Aplicadas Al Deporte’ na Centre d’Alt Rendiment de Sant Cugat, Barcelona, Spaña

by Seever Krozendijk
621 views
 

Pa algun siman largo, Milvienne Henriquez a asisti na e curso ‘Ciencias Aplicadas Al Deporte’ na Sant Cugat, Barcelona, Spaña. E obhetivo principal di e beca otorga na Milvienne ta pa ofrece coachnan deportivo e posibilidad di por beneficia di algun curso di formacion di nivel halto.

Di e forma aki e coachnan por actualisa nan conocimento y alabes aumenta e experiencia profesional pa despues yuda comparti e conocimento aki y eleva e calidad di nan federacion y deporte en general na Aruba. Un beca pa por a particila na e curso “Ciencias Aplicadas Al Deporte” a wordo otorga pa Comite Olimpico Arubano (COA) y Comite Olimpico Internacional (IOC) pa medio di e programa “Solidaridad Olimpica”. Na e centro deportivo Olimpico CAR (un di esunnan mas grandi di Europa) a ofrece e curso hunto cu e instituto Inefc.

Den un combersacion cortico sosteni cu Milvienne ela conta nos cu esaki ta e mihor curso cu e por a pasa aden. E conocimento cu ela ricibi ta out of this world y hopi ta directamente aplicabel na Aruba. Ultimo Milvienne a presenta su proyecto dilanti e profesornan cu a duna e curso. Una bez na Aruba, Milvienne por comparti su sabiduria cu otro coachnan. E director di e instituto Spaño a bisa nan for di dia uno te cu e delaster dia cu awor nan mester ta ‘Multiplicadores’, compartiendo loke nan a siña cu otro personanan den deporte.

Comite Olimpico Arubano kier a manda palabra di pabien na coach Milvienne Henriquez cu a finalisa e curso ‘Ciencias Aplicadas Al Deporte’ cu exito.

 

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs