E landado Elisabeth Timmer ta prestando fenomenal na Merca desde cu e la establece su mes aya algun aña atras unda e ta combina su deporte y su estudio na South Dakota State University. Den e weekend tras di lomba un bes mas Elisabeth a conoce un prestacion unico cu a pone logra e di 10 nombracion den su carera como Landado di Siman. Elisabeth a gana tres evento y a sali un biaha na di dos lugar den e competencia Coyote Invite. E nativo di Savaneta a gana e 200 IM (2:05.46) y e 50 freestyle (23.31). E tempo ganador den e 200 IM tabata 5 seconde mas liher di e di dos lugar. Riba e di dos dia Timmer ta gana e 100 IM (57.80) y keda na di dos lugar den e 100 breaststroke (1:07.13).
Sin duda un tremendo honor pa Elisabeth Timmer su di 10 en total. Elisabeth ta otro landado cu a conoce un super aña 2022 unda e la gana medaya pa Aruba den exterior y a representa nos bandera den e mundial di landamento como tambe den competencianan regional y continental.
Pabien Elisabeth.