Diasabra atardi tawata ambiente den Tanki Leendert. Pa exactamente 5or a tira lot y start cu otro bon torneo di billiard den e luhoso Sports Bar, TT Billiards. Den e formato “Do or Die, Jorge Petrocci ta gana Roden Antioqia, Richard Wolff ta gana Didi Odor, Gino Geerman ta gana Beto Saladin, Ingemar Briesen ta gana Patrick Henriquez, Maikel Maduro ta gana Ryan Rampersaud, Ditto Acosta ta gana Angelo Tromp, Jorzihno Everon ta gana Roukos Tanouri y Jason Kock ta gana Elvis Evertsz. Segunda buelta ta bira mas interesante paso awo ta ora di cai den premio of cai afo. Jorge ta gana Wolff, Ingemar ta gana Gino, Ditto ta gana Maikel y Jason Kock ta gana Jorzihno.
Den semi final Petrocci ta elimina Briesen, Kock ta elimina Acosta. E final ta bira otro bataya entre generacion y e Hoben Talentoso Jason Kock ta demostra clase ora e gana e “Terible di Catiri” Jorge Petrocci. Jason ta ricibi un bunita trofeo patrocina pa Shahai Take a Way and Grill mas un plato BBQ crioyo cu e por pasa saboria aya na Rooi Bosal.
Gerencia TT lo sigi activo den maart, cu otro grandioso torneo “Himno y Bandera”.