Riba e ultimo dia di competencia den e NACAC U18 & U23 Championship na Costa Rica, e atleta di Aruba Asher Petel a competi den e 1500m den su di dos careda den e campeonato continental aki. Algun dia atras, Asher Patel a sorprende tur hende ora e la gana medaya di Oro pa Aruba den e 3000m .
Den e 1500m, Asher a inicia e careda unda e la keda hunto cu e prome tres competidornan casi full e careda. Den e ultimo buelta, Asher a haya basta presion di dos coredor di Canada pero aki e hoben di Aruba a wanta duro y finalisa na di 3 lugar conkistando asina su di dos medaya den e campeonato aki. Asher a core e 1500m den 4:04.28 minutes, cual tempo a kibra un marca di 44 anja bieu e tempo ey registra pa e legendario coredor Kimball Reynierse cual tempo tabata 4:10.40 na 1979.
All by all mester bisa cu Asher Patel a scirbi su nomber den e buki di historia di e deporte di atletismo na Aruba cu e medayanan di Oro y Bronze mas su logronan conkista den e NACAC Championship. Asher Patel ta bishita Miramonte High School na Merca.
Pabien Asher Patel
