1.5K
Den e weekend tabata tin e careda Americas Junior Qualification na Punta Cana unda cu den e categoria di Super Sprint e hoben triatleta di Aruba, Dylan Giel a participa den un elenco grandi y hasta hende mayor di edad. Tabata tin participantenan for di Puerto Rico, Ecuador, Panama, Santo Domingo y di Aruba entre nan Dylan y Jeon Fernandes Perna.
Durante e careda Dylan a sali di 3 for di awa patras di Ecuador y Puerto Rico pa drenta transition. Riba bais nan 3 a sali practicamente hunto y despues cu Dylan a tira un atake, e la ripara cu nan no por a wanta cune. Asina ey Dylan a habri distancia riba su contricante nan. Despues e la drenta transition y sali na pia comodamente dilanti y e la sa di wanta su delanteria, habriendo e gap un poco mas riba e coremento, como cu esey ta su parti di mas fuerte di tur 3 disciplina. E la cruza e finish line cu un tempo di 27:16.
Puerto Rico a keda na 2 lugar y Ecuador na di 3 lugar. Jeon a keda na di 6 overall.
Asina Dylan ta gana first overall den e categoria di Super Sprint.
Nos a bin compronde cu hopi hende a keda encanta cu Dylan su prestacion, coach nan di otro pais nan a aserca pa papia over di Dylan, con e ta entrena etc.
Esaki ta prome biaha nan ta wak Dylan pa motibo cu nunca e la competi den Caribe of Latino America. All by all, Dylan su mayornan ta super proud mes di dje.
Na final a toca e tono Glorioso Aruba Dushi Tera na Republica Dominicana.
