Hainley Statia hunto cu Thrive Foundation a inicia cu e baseball infield clinic na tereno di Nadi/Crismo na Winston

by Seever Krozendijk
2.2K views

Diasabra mainta, Los Angels Angels infield coordinator & Team manager di e seleccion di Corsow, Hainley Statie hunto cu Randolph Oduber y Thrive Foundation a inicia cu un infield clinic pa muchanan di 8 te cu 16 aña di edad mientras merdia lo percura pa un seminario pa coachnan di baseball. 

E hobennan a siña tur loke ta e tecnicanan di infield y bateo di sr. Statie. Mester bisa cu apesar cu e awacero a yoba, esaki no a stroba nos muchanan haci extra nan best den e clinica aki riba un tereno muha. Ta bon pa bisa aserca cu Minister di Enseñansa y Deporte, sr. Endy Croes tambe a pasa e presencia un pida di e entrenamento.

Hailey Statia ta infield coordinator di LA Angels cu anteriormente e tabata afilia cu Milwaukee Brewers. Hainley Statia a milita den seleccion Hulandes di baseball pa varios aña y a hunga minor league baseball den Double A y Triple A na Merca. 

Thrive Foundation kier a yama un danki na Minister Endy Croes y tambe president di ABBA, Raul Gei pa nan aporte. Un danki na coach; Wayne Cuevas y Darwin Escobar y tur e hobennan y coachnan cu a participa na e clinica aki. 

Awe nos hoben pelotero y  coach nan a haya sa un tiki mas di baseball di loke nan tabata sa caba. 

Related Articles