Gyandric Werleman a ricibi su diploma di KNVB Voetbal Coach Pupillen

by Jessica Krozendijk
590 views

Gyandric a cuminsa hunga bala pa Britannia cu 4 aña pa division Mini Baby y for di chikito a logra bin cu copa di MVP case.
Gyandric a keda hunga cu Britannia te na edad di 18 aña den division honor ora el a bay sigui cu su estudio na Hulanda.

Gyandric ta yiu di nos Coach Cedric Werleman y for di chikito a sigui paso di su tata cu su pasion pa futbol.
Na 2017, Gyandric a asisti Coach Cedric na Corsow, na Copa Jouve, caminda nan a logra keda na di 3 lugar.

Na aña 2017, Gyandric a forma parti di seleccion di Aruba den division U-15.

Dos aña pasa Gyandric a bay sigui cu su estudio na Hulanda, na ROC Mondriaan den Sport en Beweging, cual estudio e ta logrando cu exito y te hasta ta riba e pagina principal di Mondriaan su website.

Na 2022 Gyandric a cuminsa stage cu HV Quick y na Augustus 2023 Quick a acerca Gyandric pa firma como entrenador di division JO12-3.

Na december Gyandric a haal su examen KNVB Voetbal Coach Pupillen y awe a ricibi su diploma oficialmente.

Nos ta super orguyoso di nos hungador y kier felicita Gyandric y ta desea Gyandric hopi exito mas den su carera escolar y futbolistico.

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs